გარდამტეხი მომენტები ცვლიან ადამიანების ცხოვრებას და საქმიანობას. პროცესი კი იწყება მაშინ, როცა ადამიანი, ან ორგანიზაცია, კარგავს მიმართულებას. შესაძლოა ისინი ყველაფერს სწორად აკეთებენ, მაგრამ ერთ დღესაც, უცნაური სიცარიელე იგრძნობა, გუნდი დაღლას გრძნობს და წარმატება თითქოს ფუჭი ხდება. ჩნდება კითხვები: რატომ ვაკეთებთ ამას ან სად მივდივართ? გარდამტეხი მომენტი ზუსტად ამ კითხვებში იბადება. ამ მომენტში ორი არჩევანი ჩნდება: ან განვაგრძოთ იგივე გზით სიარული ავტომატურად ან დავუბრუნდეთ საწყისს და დავსვათ ყველაზე მნიშვნელოვანი კითხვა: რატომ?
გარდამტეხი მომენტების დროს, როცა გუნდი კარგავს საერთო მიზნის შეგრძნებასა და მისი მიღწევის ენთუზიაზმს, Team Canvas ხდება ერთ-ერთი ყველაზე ეფექტური საშუალება გუნდის ხელახლა გასაერთიანებლად. ეს ინსტრუმენტი გუნდს აძლევს შესაძლებლობას, ერთად გადახედონ ისეთ მნიშვნელოვან კითხვებს, როგორიცაა: რატომ ვარსებობთ როგორც გუნდი? რა გვამოძრავებს? რას ველით ერთმანეთისგან?
ეს შაბლონი მოიცავს 9 ბლოკს — საერთო და ინდივიდუალური მიზნებიდან ღირებულებებამდე და რისკებამდე — რაც გუნდს ეხმარება, დაინახოს არა მხოლოდ ფუნქციური, არამედ ღირებულებითი საერთო სივრცე.
Team Canvas-ს ძალა ისაა, რომ ის გულწრფელ დიალოგს უწყობს ხელს და არ ქმნის სტრუქტურას. როცა გუნდი ერთად ცდილობს შეკითხვებზე პასუხის პოვნას და ერთმანეთს უსმენს, ჩნდება ახალი ენერგია, კავშირი და აზრი. ეს უკვე აღარ არის უბრალოდ სამუშაო შეხვედრა — ესაა მომენტი, როცა გუნდი ხელახლა იგებს, რატომ აკეთებს იმას, რასაც აკეთებს.
მსგავსი გარდამტეხი მომენტები განმეორებადია. მთავარი კი ამ პროცესში არის ის, რომ თავიდან გავიაზროთ ყველაფრის საწყისი მოტივაცია და არ განვაგრძოთ ავტომატური გზა. რადგან ყოველ ჯერზე, როცა გარდამტეხ მომენტებს შევხვდებით, გვაქვს შანსი დავუბრუნდეთ ჩვენს ყველაზე ღრმა მოტივაციას და შევქმნათ რაღაც ნამდვილად ღირებული ჩვენთვის, ჩვენი გუნდისთვის და ზოგჯერ, უფრო ფართო საზოგადოებისთვისაც.